Davao City- Gironda sa mga sakop sa Talomo PNP ang usa ka compound nga gihimong pasugalan sa Barangay Catalunan Grande, Davao City.
Sa spot report sa Talomo PNP, giaksyonan sa mga awtorida ang reklamo sa usa ka concerned citizen nga rampant ang sugal sa Curong Compound Caflor Street, Catalunan Grande niining syudad sa Davao.
Nasikop sa raid alas 3:00 sa hapon nga aktong nag tong-its sila si Anita Puno (68 anyos), Vidal Cayao (70 anyos), Bethsaida Tanacalan (25 anyos), Evelyn Bascon (37 anyos), Cristy Crumb (35 anyos) ug Benjamin Abella (70 anyos) pulos mga residente sa maong barangay.
Nakompiskar ang duha ka paresan sa baraha lakip ang 200 ka pesos nga pusta sa mga arestadong sugarol.
Napreso na ang mga dinakpan ug ipasaka ang kasong kalapasan sa Presidential Decree 1602 kun Anti Gambling Law sa mga awtotidad.
Erin Lumosbog
