PATAY GID│CONSTRUCTION WORKER NGA NAIGO SANG KILAT SA BANWA SANG IVISAN!

17
Ivisan, Capiz – Patay ang isa ka construction worker makaligad ini ang naigu sang kilat sa Barangay Poblacion Norte, Ivisan, Capiz.
Ang biktima ang ginkilala kay Niño B. Ocson, 30-anyos ang pang-edaron kag residente sang Barangay Lawaan, Roxas City.
Suno sa imbestigasyon sang kapulisan sang Ivisan, bangud sa mamunog nga buhos sang ulan nagpanilong ang biktima kaupod ang kapareho sini nga trabahante.
Ginapatihan nga una naigu sang kilat ang poste nga kawayan malapit sa ginatindugan sini antes nga naglatay ang boltahe kag nakuryente ang biktima.
Ulihi na ini nakit-an nga nagakulob sa duta sang mga kaupdanan sa trabaho.
Gindala pa ini sa Roxas Memorial Provincial Hospital (RMPH) apang gindeklarar sang doktor nga dead-on-arrival ang biktima.
Nahibaluan nga magaduha pa lamang ka adlaw nga nagatrabaho ang biktima paagi sa pag-obra sang road widening project sa Barangay Poblacion Norte, Ivisan, Capiz.
Sa subong yara na sa isa ka punerarya sa syudad sang Roxas ang bangkay sini.
Facebook Comments