PATAY GID | AWOL nga anay katapo sang militar, ginaalegar naghikog sa banwa sang Jamindan!

Jamindan, Capiz – Patay ang isa ka anay katapo sang Philipine Army matapos ini ang gina-alegar naghikog sa Barangay Masgrau banwa sang Jamindan.
Nasapwan na gid lamang las 9:30 sang aga ang bangkay sang 44- anyos nga biktima nga nagabitay.
Gingamit sini sa pag-utas sang kaugalingon nga kabuhi amo ang higut sang duyan.
Suno sa kapulisan sang Jamindan MPS, ang biktima ang AWOL sa serbisyo. Ini ang tumandok sang Kabankalan City, Negros Occidental apang temporaryo nga nagatinir sa nasambitan nga barangay.
Ginapatihan nga ang depresyon bangud sa ginasuprer nga balatian nga diabetes amo ang ginatudlo isa sa kabangdanan sa pag-utas sang biktima sang kaugalingon sini nga kabuhi.

Facebook Comments