PATAY GID | Isa ka persona, ginbakbakan sang tubo sa Sitio Pinaypayan Lanot, patay!

Roxas City, Capiz- Patay ang 56-anyos nga persona matapos ini ang ginlampusan sang tubo alas 2:30 ang takna sang hapon sa Sitio Pinaypayan sakop sang Brgy Lanot sining syudad.
Ginkilala ang biktima kay Abelardo Armelligas y Akyat, isa ka construction worker nga nag-angkon sang patal nga pilas sa nawala nga porsyon sang agtang sini kag gindeklarar nga dead-on-arrival sang gindangat sa Roxas Memorial Provincial Hospital.

Matapos ang pila ka oras nga pagpanago, bulontaryo nga nagsurrender ang suspek nga ginkilala kay Espedito Espinosa, 28-anyos residente sang Brgy. Bato Panay, Capiz apang tumandok sang Brgy Sinabsaban, Cuartero, Capiz.

Nagaguha sa imbestigasyon sang mga kapulisan nga nagluntad ang pagsabtanay sa tunga sang mga ini samtang nagakarga sang butong ang suspek. Ginpahog snag biktima nga luthangon sini ang suspek kabangdanan nga iya na lamang gin-unahan pinaagi sa pagbakbak sang tubo.


Narekober naman sang mga otoridad ang 33-pulgadas nga kahabaon sang tubo nga gingamit sa krimen.
Sa interview sang news team sa hepe sang Roxas City PNP nga si Police Supt. Dante Tayco, ginsiling sini nga natalana nga igapaidalom sa autopsy ang bangkay snag biktima samtang natalana nga pasakaan sang nagakaigo nga kaso ang suspek nga sa subong ang nakahunong na sa karsel sang RCPNP.

Facebook Comments