PATAY GID | Lalaki, ginbuno-patay samtang naga-inom sa food fest sa una nga gab-e sang Sinadya sa Immaculada Concepcion!

Roxas City, Capiz – Patay ang 19-anyos nga mister matapos ini ang nabun-an sa Ligazpe Street malapit sa Paseo samtang ginapatigayon ang food festival sa una nga adlaw sang Sinadya sa Immaculada Concepcion.

Ginkilala ang biktima kay Genwer Gahupo Jr. y Cabison, isa ka sales boy kag residente sang Sunshine Village Brgy. Banica Roxas City nga ginbawian sang kabuhi samtang ginabulong sa Roxas Memorial Provincial Hospital.

Nag-angkon ini sang patal nga pilas sa iya dughan kag siko samtang may samad man sa baba matapos gina-alegar ginpulihan snag tapungol.


Base sa inisyal nga imbestigasyon sang mga kapulisan sa Roxas City PNP, nagainom ang grupo sang biktima kaupod ang mga abyan kag live-in partner sini sang nagluntad ang komosyon sa tunga nila kag sa kahilapit nga mga persona nga naga-inom.

Natigayon naman nga madakpan sang mga kapulisan ang ginatudlo suspek nga si Scott Clint Bermudez y de la Torre, 17-anyos ang pang-edaron sang Brgy I, Roxas City. Samtang padayon nga atlarge ang kaupdanan sini nga taga-Rizal Street.

Narekober sang mga kapulisan ang isa ka ice pick nga ginapatihan amo ang gingamit sa krimen.

Padayon pa ang tul-id nga imbestigasyon sang mga kapulisan sa insidente.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments