PATAY GID | Lineman sang isa cable company, nabunggoan sang bus liner sa banwa sang Dao, patay!

DAO, CAPIZ – Patay ang isa ka lineman sang cable company matapos nga nabunggoan sang bus liner ang ginamaneho sini nga traysikol sa national highway sang Brgy. Nasunogan, Dao, Capiz.

Ginkilala ang biktima kay Jomarie Barlas, 48-anyos ang pang-edaron sang Brgy. Manhoy, Dao, Capiz nga nag-angkon sang patal nga pilas sa lawas kabangdanan nga gindeklarar ini nga ginbawian sang kabuhi sang gindangat sa Dao District Hospital.

Suno sa impormasyon, halin sa syudad sang Iloilo ang driver sang bus liner nga si Bacia Panagas kag padulong kuntani sa Caticlan, Aklan sang ini ang nadulaan sang kontrol sa manibela kag nabunggoan ang amo nga biktima.


Yara na subong nakahunong sa lock-up cell sang Dao PNP ang amo nga driver sang bus liner kag natalana nga pasakaan sang kaso.

photo © Dao Fire Station

Facebook Comments