Patay nakit-an sa kilid it baybay

Nabas, Aklan – Uwa eon it kabuhi tag makit-an ro eawas it sangka eaeaki sa kilid it baybay nga sakop it Brgy. Union, Nabas, Aklan kahapon it agahon.
Ro biktima nakilaea nakilaea kay Edmar Bentoso, 22-anyos, trabahador it DATEM Inc. sa nasambit nga barangay ag tubo it Sitio San Juan, Brgy. San Roque, Libertad, Antique.
Suno kay PO2 Melvin Alba it Nabas PNP nga unang nakita ni Romeo Baricautro ro nasambit nga bangkay ag insigida rayon daya nga nagpangayo it bulig sa gwardya kung Caticlan Airport ag nagtawan rayon it pulis.
Insigida man nga nagpangayo it assistance rong Nabas PNP sa SOCO Aklan ag sa andang pag examine sa bangkay nakitaan raya it mga nina sa baba, mata, ueo ag sa dughan.
Na recover sa saewae it biktima rong cellphone ag wallet nga may sueod nga ID, kwarta ag payslip.
Nakataea man nga igapaidaeom sa autopsy ag post mortem examination rong bangkay it bikitma para masayuran nga kon may foul play ag kung ano ro gintunaan ko anang kamatayon.
Padayon pa makaron rong imbestigasyon it Nabas PNP.

Facebook Comments