Patay sa Covid-19 sa probinsya 23 na

27

Zamboanga del Sur- Mikabat na sa 23 ang patay sa Covid-19 sa Zamboanga del Sur. Kini ang sumala sa gipagawas nga talaan sa IPHO. Nagpositibo kini si patient number 863 usa 54 anyos, babaye, gikan sa Purok Makiangayon, Napolan, Pagadian City.
Gidala kini sa usa ka pribado nga health facility niadtong November 24, 2020 sa may ala 1:18 sa hapon apan subo nga namatay sulod sa emergency room sa susama ra nga adlaw sa ala 1:40 sa hapon. Nagpositibo ang maong pasyente sa Rapid Antigen test atong nakalabay nga Martes .
Dugang pa niini gipailalom usab siya nasopharyngeal swab test diin migawas nga positibo sa RT PCR. Dunay mga final diagnosis ang pasyente nga: Acute Myocardial Infarction, Gallstone, COVID 19 confirmed. Gilubong dayon ang pasyente pinasikad sa protocol sa DOH.

Facebook Comments