Patay sa Dengue sa Western Visayas, naglab-ot na sa 33

324

33 na ang napatay bangud sa dengue sa bilog nga Western Visayas humalin sang Enero 1 tubtub Abril 6, 2019.
Base ini sa record sang Department of Health region 6 nga mas mataas ikumparar sang amo man nga period sang 2018 nga may yara lamang sang 14 nga patay.
Ginpahayag ni Dr. Ma. Lourdes Monegro, DOH-6 Entomologist III nga ang 33 nga napatay ang kabahin sang 5,527 ka kaso sang nasambit nga balatian.
Ginapakita man sa data nga ang Negros Occidental sa gihapon ang may pinakamataas nga kaso sang dengue nga naglab-ot sa 1,863 kag 15 ang napatay; nagasunod ang probinsya sang Iloilo nga may 1,043 ka kaso kag lima ang patay; nagapangatlo ang Aklan nga may 784 ka kaso kag apat ang patay; pang-apat ang Capiz nga may 713 ka kaso kag apat ang patay.
Nagapanglima naman ang Siyudad sang Iloilo nga may 454 ka kaso kag apat ang patay samtang nagapang-anum ang siyudad sang Bacolod nga may 377 ka kaso kag may isa nga patay; samtang ang Antique may 110 ka kaso kag wala sang patay kag ang Guimaras may 104 lamang ka kaso.

Padayon ang panugyan sang DOH sa publiko ang pag-obserbar sang 4 – S agud malikawan ang pagduging sang dengue.
Ang 4-S kontra dengue amo ang Search and destroy breeding places; Seek early consultation; Self-protection kag Say yes to fogging.

Facebook Comments