Patay sa operasyon batok droga sa PRO12, miabot na sa 77

General Santos City—- Mukabat na sa 77 ang naitalang patay sa operasyon sa kapulisan batok illegal nga droga gikan Disyembre 5 hangtud na sa Mayo 28 ning tuiga.

Sumala kang Police Suprintendent Aldrin Gobnzales, tigpamaba sa Police Regional Office 12 nga gibana-banang mubalor sa 10.3 milyon ka pesos na sa shabu ang narekober sa kapulisan sulod sa unom ka bulan nga operasyon nga adunay gibug-aton nga 1, 731 ka gramo.

Miabot na usab sa 811 ka mga police operation ang ilahang napahigayon sulod sa maong bulan kung asa 893 na ang mga nadakpan ug mapasakaan ug tukmang kaso. Lakip sa mga nadakpan ang 134 nga drug user ug 759 nga mga bag-ong target listed nga mga pusher, financiers ug courruers.
Pagpaklaro ni Supt. Gonzales nga dili tinuyuan sa operatiba nga mapatay ang ilahang mga target sa operasyon, apan tungod misukol, ilaha na kining gi-unhan aron nga dili mabutang sa alanganin ang kinabuhi sa tropang nagapahigayon ug operasyon


Facebook Comments