Patay/Suspek nga naglugos sa 5-anyos nga bata nga babaye sa Tampakan, South Cotabato, patay matapos tiruhon.

Patay ang suspek nga naglugos kag nagpatay sa 5-anyos nga bata nga babaye sa banwa sang Tampakan, South Cotabato, pasado alas 9:00 kagab-i, Hunyo 13, 2018.
Suno kay Police Senior Inspector Rafael Banggay,Chief of Police sang Tampakan Pnp ginapaidalom sa booking procedure ang suspek nga si Sandro Ogdamen sang gin-attempt sini nga agawon ang pusil sang imbestigador nga policewoman kabangdanan nga napilitan siya nga luthangon ang suspek.
Nahibaluan nga ginkuhaan sang posas ang suspek agud nga makuhaan sang finger print amo nga nagplano ini nga mangagaw sang pusil.
Gindala pa sa South Cotabato Provincial Hospital ang suspek apang gindeklarar nga dead on arrival sang doktor nga nag-atipan tungod sa naangkon nga igo sang bala sa dughan sini.
Depensa pa sang Chief of Police nga indi man hungod nila nga patyon ang suspek kundi i-neutralize lang ini.
Paklaro pa ni Banggay nga gab-i nila ginpatigayon ang booking procedure tungod kon adlaw posible nga dumugon pa ini sang mga tawo sa banwa tungod sa sobra nga kaakig sa suspek.
credit to the owner

Facebook Comments