Usa ka patayng lawas sa lalaki ang nakit-an sa kasagbutan nga bahin sa 6th Division, Barangay Patag ning syudad mga alas sais karong buntag.
Ang biktima nailang si Felizardo Lumpinay, 52 anyos, minyo ug taga Zone 4, Barangay Bulua.
Matud sa kapulisan sa Carmen nga ang biktima unang nakita sa care taker sa yuta nga si Jerry Sumalpong, 49 anyos, minyo ug residente sa maong dapit.
Giila ang biktima pinaagi sa iyang stepson nga si Joseph Sarabosing, 27 anyos, minyo ug mibutyag nga ang iyang ama-ama dunay gibating hypertension o high blood pressure.
Sa karon ang patayng lawas naa na sa Bollozos Funeral Homes sa Barangay Bulua.
Facebook Comments
