Patayng lawas sa babae nakaplagan

Davao City – Nakaplagan ang usa ka patayng lawas sa babae sa may Sta. Ana Wharf sa dakbayan sa Davao alas 12:05 sa kadlawon.

Sa report sa Sta. Ana PNP nga base sa inisyal nga imbestigasyon sa Philippine Coast Guard nga usa ka Jovannie Enriquez ang nisumbong sa buhatan sa Philippine Coast Guard nga duna siyay nakit-ang patayng lawas sa nasangpit nga dapit.

Saysay pa ni Enriquez samtang nagsakay siya sa iyang bangka, iyang nakit-an ang patayng lawas sa babae nga anaa sa 50 ngadto sa 60 anyos ang pangidaron, nakasuot og green duster nga dunay sling bag ug anaa sa 20 metros ang gilay-on gikan sa baybay sa Sta. Ana Wharf.


Daling gikuha sa coast guard ang patayng lawas sa maong babae sakay sa Multi-response Role Vessel ug walay nakitang samad o bun-og sa lawas niini.

Wala pa maila sa kapulisan sa Sta. Ana PNP ug Phillipine Coast Guard ang kompletong pangalan sa biktima ingon man unsa ang hinungdan sa kamatayon niini.

Ang patayng lawas sa babae anaa na gidala sa Angel Funeral Homes ning dakbayan.

RadyoMan Don Pulayao

Facebook Comments