Patayng lawas sa tawo nga nakaplagan sa Glan-wala pa mailhan

17

General Santos City–Wala pa mailhan hangtud sa kasamtangan ang patayng lawas sa tawong nakaplagan sa may hilit nga dapit sa Barangay Big Margus, Glan Sarangani Province niadtong nakalabayng simana.

Sumala ni Police Executive Master Sergeant Paul Alido, Disk Officer sa Glan nga hangtud sa kasamtangan wala pay pamilyang miclaim sa patayng lawas sa biktima.


Nasayran nga gilubong na nalang ang nasampit human nga anaa na kini ilawom sa state of decomposition dihang kini nakaplagan.

Dugang pagbutyag ni Alido nga natural death ang kamatayon sa biktima kini human nga walay nakit-ang foul play ang ilang mga imbistigador sa patayng lawas sa nasampit.

Gituohan nga posibleng giataki sa balatian ang biktima didto sa maong lugar ug didto nalang nakabsan ug kinabuhi human nga walay nakakita kaniya.

Sa karon padayon sa panawagan sa glan pnp sa mga katawhan sa lungsod nga nawad-an ug miyembro sa pamilya nga sutaon sa ilang buhatan tungod basin ug ilang kabana yang nakaplagang patay.

Facebook Comments

From Advertisers