PATI ANG MATA, PEKE NA| Isda ginpaduktan sang peke nga mata agud mapatihan nga preska

7256

Ginpasirado ang isa ka balaligyaan sang isda sa Kuwait matapos gintunto ang mga manugbakal pinaagi sa pagpadukot sang ‘googly eyes’ ukon peke nga mata sa isda agud mapapati ang mga konsumidor nga preska gihapon ang mga isda.

Sa nagviral nga video sang isa ka netizen , makita nga preska ang iya nabakal nga isda bangud man sa masinaw nga mata sini.

Apang sang iya ginbutong ang googly eyes ukon ang peke nga mata sang isda, makit-an nga lubog na ang mata sang isda kag daw kasubong nga madali na lang ini madunot.

Matapos nga nagviral ang video sa social media, gilayon nga ginpasirado sang Ministry of Commerce and Industry sang nasambit nga pungsod ang amo nga balaligyaan.

Panugyan sa mga konsumidor , usisaon gid sang maayo antes magbakal sang isda agud masiguro nga preska kag maprotehiran ang ikaayong lawas sang pamilya.

(photo credit to the owner)

Facebook Comments