Gibuweltahan karon sa TV host/actress nga si Pauleen Luna ang usa ka netizen human kini mag-post ug malisosyong komento mahitungod kuno sa pagsulti ni Pauleen kay Pia Guanio nga morena kini.
Say sa netizen, kinahanglan kuno mag-amping si Pauleen sa pag-ingon ug morena kay Pia kay dili man pud kuno puti si Pauleen sa una.
Dugang pa sa netizen, dapat kuno always humble ug hunahunaon ug una ang mga ipang-istorya. Dapat kuno murag si Pia lang, natural ug classy.
Bwelta pud ni Pauleen, dili kuno mag buhatbuhat ug istorya ang maong netizen tungod kay dili kuno kadto seryoso ilahang mga gipang-istorya sa opening sa noontime show.
Ug wala pud gi deny ni Pauleen nga dati pud siyang morena ug proud kuno siya sa mga babaeng morena kay natural kuno ilahang ka gwapa.
