PBA FAN ba ka?

Sakpan ning grupoha sa mga kalalakin-an nga nanan-aw sa Game 2 sa 2018 PBA Philippine Cup Finals tali sa San Miguel Beermen ug Magnolia Hotshots.

Kining maong mga drayber sa bus nahunong sila sa ilang pagpanawag og pasahero apil na ilang kundoktor sa may North Bus Terminal. Murag merkado ang maong terminal sa ilang kahugyaw. Pwerteng siyagit nila sa dihang makapuntos ang kuponan nga ilang gisuportaan.

Sama nila, hilig ba sad ka og PBA idol?


Update lang ta, daog karong gabhiona ang San Miguel Beermen batok sa ilang kontra nga Magnolia Hotshots. Nahubog ang manok sa beer sa Game 2 sa score nga 92-77. Maong 1-1 na ang standing sa maong best of seven series sa 2018 PBA Philippine Cup Finals nga gipahigayon sa Mall of Asia Arena.

Ang Game 3 ipahigayon karong Easter Sunday (April 1) didto sa Smart Araneta Coliseum. Ikaw idol, asa man ka suporta?

Facebook Comments