PCG naka red-alert subay sa flooding incidents sa dakbayan

27

Davao City – Naka-red alert ang Coast Guard District Southeastern Mindanao (CGDSEM) subay sa sagunsong grabeng pagbaha nga nasinatian karon sa Davao City sa pagdaot sa panahon.

Nilusad og rescue mission ang PCG sa mga na-trap sa lagpas tao na nga tubig-baha ngadto sa mga residente Barangay Buhangin, Barangay Lanang, ug Barangay Talomo.

Gamit ang mga rubber boats gisakay ang sagad mga tigulang, mga bata ug adunay mga special needs sa nahitabong massive flooding sukad pa niadtong Lunes.


Sa interbyu sa RMN Davao kang Ensign Vasit Venturillo, OIC, District Staff for Civil Relation Services, 130 ka mga indibidwal o 29 ka mga pamilya ang nasalbar sa mga personahe sa PCG ug PCGA.

“Base sa mando kanamo ni Coast Guard Commodore Allan Corpuz naka-red alert ang atong mga tao ug mga assets in fact gisigurado niya ang tanan namong assets nagagana or ready for use sa karong higayona,” segun niini.

Nanawagan ang Coast Guard sa mga Davaeoños nga dili na maghulat sa kritikal nga sitwasyon una mupahawa sa ilahang mga kabalayan tungod peligroso kini sa ilahang mga kinabuhi ug sa mga responders.



RadyoMaN Aimee Guinita

Facebook Comments