PCSO medical assistance nagpadayon

29

Davao City – Gibutyag sa Philippine Charity Sweepstakes Office (PCSO) nga nagpadayon gihapon ang ilang paghatag og tabang pinansyal alang sa mga indibidwal nga muduol sa ilang buhatan.

Atol sa One Davao on COVID-19 Virtual Presser, gibutyag ni Virgilio Enrique-Abanilla, Branch Head sa PCSO Davao del Norte, ilang ginahataga’g prayoridad ang ayuda alang sa mga balatian sama sa dialysis, chemotherapy ug hemophilia diin aduna usay mga rekisitos nga gikinahanglan.

“Padayon gihapon ang atoang medical assistance program kung asa nagaduol ang mga pasyente diri sa atong opisina aron mag-comply sa mga requirements,” segun ni Abanilla.

Nasayran nga bisan og naundang ang aktbidad o mga padula sa PCSO, padayon gihapon ang ilang paghatag og ayuda’ng pinansyal labi na sa Coronavirus Disease (COVID-19) response sa gobyerno.

RadyoMaN Kirby Manzon

Facebook Comments