General Santos City—gikalipay ni Philippine Drug Enforcement Agency (PDEA) -12 Director Gil Cesario Castro ang pagpadayag sa pipila ka mga LGU nga buot siyang magpabilin sa Rehiyon-12.
Nasayran nga una nang migula ang mga hungihong nga posibli nang marelib ang nasangpit nga opisyal isip labaw sa PDEA Regional Office-12.
Una nang giaprobahan sa Sanguniang Panlalawigan (SP) sa Sarangani Province ang usa ka resulusyon nga nagbutyag nga buot nilang magpabilin isip regional Director sa PDEA-12 si Castro.
Samtang ning bag-uhay lang nagpagawas usab ug pahayag si South Cotabato Governor Daisy Avance Fuentes. Sumala sa Gobernadora nga iyang nakit-an nga tanang mga operasyon sa PDEA bisan sa South Cotabato mga lehitibong operasyon nga miresulta sa pagkasikop sa mga bigtime nga lambigit sa iligal nga droga.
