PDEA 12-padayon sa ilang trabaho, luyo sa pagpang-ambush sa ilang mga kaubanan sa Lanao

General Santos City–Padayon sa ilang tahas partikular sa pagpakgang sa iligal nga droga sa Rehiyon 12, mao kini ang nahimong pamahayag ni Kath Abad ang tigpamaba sa PDEA Regional Office 12 luyo paman sa nahitabo nga pagpang-ambush sa pipila ka mga ahente sa nasangpit nga ahensya sa Lanao Del Sur.

Sumala niini nga ayha matud pa sila misulod sa maong ahensya nasayod na sila kung unsa ka dilikado ang ilahang trabaho.

Luyo paman sa nahitabo, wala matud pay mag bag-o sa kahugot sa ilang paggukod sa mga nagpayuhotan ug iligal nga droga, apan gipaklaro man usab ni Abad nga nag una gihapong prayoridad sa ahensya ang kaluwasan sa ilahang mga agents.


Tungod niini ilang gipahugtan ug gidungagan ang ilang pag-amping matag ilang operasyon aron nga dili mahitabo kanila ang nahitabo sa ilang mga kaubanan sa Lanao Del Sur nga giambush diin lima gyud ang kumpermadong patay.

Samtang sa karon matag operasyon nila nakig-alayon na sila sa PNP ug sa AFP aron mahatagan usab sila ug proteksyon.(Dave Silagan)

Facebook Comments