PDEA-12 suportado ang planong pagpailawom sa drug test sa mga Magtutungha sa mga State Universities

13

General Santos City–Dakong tabang alang sa PDEA ang mando sa CHED nga pagpailawom sa mga estudyante sa mga state universities sa random drug test, kini ang gibutyag ni Kath Abad, ang tigpamaba sa PDEA-12.

Sumala niini nga pinaagi sa maong lakang masayran kung aduna bay nga estudyanteng nalambigit sa paggamitan ug iligal nga droga.

Gibutyag pa ni Abad nga sila sa PDEA hugot ang ilang suporta hilabi na sa mga aktibidad nga makatabang sa kampanya batok iligal nga droga.

Gikumperma usab niini nga sa mga nakalabayng mga bulan pipila ka mga estudyante ang ilang nasikop dungan sa ilang kampanya batok iligal nga droga.

Ang ilang mga nadakpan dili lang nagagamitan kon dili nagapalamigya gyud niini, tungod niini nagtuo si Abad nga daghan pang mga estudyante nga gawasnon pa sa pagpamaligya ug illegal drugs.

Facebook Comments