Davao City – Mobalor sa P300,000 shabu ang nasakmit sa Philippine Drug Enforcement Agency Regional Office XI ug National Bureau of Investigation niadtong Sabado, Setyembre 11, 2021 sulod sa gituohang drug den sa may Purok 1-B, Barangay 76-A, Davao City.
Malampusong nasikop ang target sa buy bust operation nga si Rudy Valdez, 44 anyos kinsa napalitan sa PDEA XI agent og P1,000 nga shabu atol sa buy bust operation.
Sikop usab ang pito ka mga bisita sa drug den ang nga naaktuhang nag-shabu session nga sila Rambo Andulao, John Mark Baguinda, Joshua Demain, Kenneth Dunguran, Goljhne Dymsoy, Patrick Henry Escando ug Jamill Rahman.
Segun sa PDEA, sulod sa drug den nasakmit nila ang anaa sa 20 gramos sa shabu nga adunay estimated street value nga P300,000 ug assorted drug paraphernalias.
Mag atubang og kasong paglapas sa Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), Section 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings) ilawom sa Article II sa Republic Act 9165 kun The Comprehensive Dangerous Drugs Act of 2002.
RadyoMaN Aimee Guinita
