PDEA, GINSUNOG ANG MGA SHABU KAG MARIJUANA NGA NAKUMPISKAR HUMALIN 2002 TUBTUB 2017.

182

Naglab-ot sa 8.8 million pesos nga balor sang illegal nga druga ang ginsunog sang Philippine Drug Enforcement Agency ukon PDEA alas 2:30 kahapon sang hapon sa Gegato-Abecia Funeral Homes sa Balabago, Jaro.
Ini ginalakipan sang 7.1 million pesos nga balor sang shabu kag marijuana nga nagabalor sang 79,144 pesos.
Suno kay PDEA Director Alex Tablate nga ginsunog nga illegal drugs ang nakumpiskar humalin sang 2002 tubtub 2017 kag nadesisyunan na sang korte.
Katuyuan sini suno kay Tablate nga malikawan ang recycling sang illegal drugs.
Dugang pa ni Tablate nga ang pagsunog sang illegal drugs sa Crematorium ang santu sa guidelines sang DENR agud makalikaw sa mahimo matuga sini nga halit sa mga pumuluyo.
Magluwas sa shabu kag marijuana, lakip man nga ginsunog sang PDEA ang mga expired nga mga bulong nga ginsurrender sang mga ospitals kag mga botika nga nagabalor sang 1.5 million pesos.

Facebook Comments

From Advertisers