ZAMBOANGA CITY–Maga agente del Philippine Drug Enforcement Agency ya aresta con dos man live-in-partner durante el buy-bust operation barrio de Camino Nuevo del Webes serca man medianoche.
Na report del PDEA ya nombra con el maga arestao como canda Mark Paul Aba y Jaluag y su esposa si Aira Perez y Campo, ambos ta queda na Familia Sagrada, Camino Nuevo.
El buy-bust operation ya conduci banda alas 11 del noche donde ya resulta na confiscacion del shabu que ya alcansa na .48 gramos y el marke dmoney.
Con el dos arestao ya lleva na headquarter del PDEA na Calarian y ya detene.
Mientras el PDEA ta prepara ya el maga caso que el planta canila na corte. — Dan Toribio
Facebook Comments
