PDG Albayalde, gipasalamatan ug gidayeg ang kapulisan sa rehiyon 12

*General Santos City—- Gipangunahan mismo ni Police Director General Oscar Albayalde ang ika 28 katuig nga foundation day sa kapulisan kung asa mitambong kini sa selebrasyon sa dakbayan sa Gensan partikular na sa Police Regional Office 12.*

*Atol sa iyahang speech, iyahang gidayeg ang kapulisan sa rehiyon gumikan sa pagpabilin sa kahapsay ug kalinaw sulod sa taas nga panahon ug iyahang gikalipay nga personal niya kining nasaksihan.*

*Iyaha man usab gipasalamatan ang kapulisan sa ilahang dediksyon sa ilahang trabaho hilabina panahon sa plebesito sa syudad sa cotabato ug probinsya sa north cotabato.*


*Lakip sa gidayeg ni General Albayalde mao ang kusog nga koorinasyon sa kapulisan ug militar sa tibuok area sa Mindanao alang sa kalinaw.*

*Sumala niya nga ang nahitabong malinawon nga plebesito sa BOL ang usa sa dakong accomplishment sa Police Regional Office 12 ingon man sa kumyunidad mismo gumikan sa ilahang mga tabang.*

*Iyaha man usab nga gi-awhag ang kapulisan sa rehiyon nga ipabilin ang dedikasyon sa trabaho hilabina sa umaabot nga piniliay sa Mayo 13.*

Facebook Comments