PDRC giapamugos nga adunay silay programa alang sa mga inmate aron malikayan ang paghikog

Gipamugos sa Provincial Detention and Rehabiliation Center kon PDRC-Bukidnon nga aduna silay mga programang gipatuman aron malikayan ang paghikog sa usa ka inmate samtang kini anaa sa bilangguan.

Ang pamahayag sa PDRC human sa usa ka insidente sa paghikog sa usa ka inmate sa provincial jail ning nakalabay nga adlaw.

Sa interview sa RMN Malaybalay ngadto kang Provincial Jail Warden Allan Gurrea, gibutyag niini nga sa pagsulod pa lang sa usa ka inmate sa rehabilitation center adunay silay himoon nga 1 ka semana nga observation period.


Dili matud pa nila pabisitahan sulod sa usa ka semana ang usa ka new comers kon ang bag-ong nabilanggo aron ilang ma-detect kung aduna ba kini problema.

Kung maka-adjust na ayha pa nila tugutan nga pabisitahan.

Apan sigun ni Gurrea nga tungod sa kadaghan sa mga inmates karon sa provincial jail dili gayod nila dayon ma-notice ang dagan sa panghuna-huna niini.

Kung aduna silay ma-obserbahan ila kini ipadala sa mental hospital sa Davao City, gani kada bulan aduna silay gipadala didto alang sa mental check up.

Samtang gihangyo usab sa provincial warden ang mga paryente o kabanay sa mga bilanggo nga muhatag ug moral support ug mugahin ug higayon nga muduaw sa jail.

Facebook Comments