PDRC Jail guard nga nadakpan sa pagpamaligyag shabu, dugay na nga gipamatid-an sa mga otoridad

35

Dugay na nga gipamitad-an sa mga otoridad ang Jail Guard sa Provincial Detention and Rehabilitation Center (PDRC)-Bukidnon nga nasikop sa pagpamaligyag drogang shabu adtong milabayng Domingo.

Kini ang gibutyag ni Philippine Drug Enforcement Agency (PDEA) Bukidnon Officer Alex Subang Jr. atol sa RMN DXMB Malaybalay interview.


Sumala ni Subang nga sa ilang imbestigasyon kabahin sa “Oplan Galugad” nga gipahigayon didto sa PDRC karong buwana nga mikompiska og pipila ka mga pakete sa drogang shabu ug pagkapositibo sa pipila ka mga piniriso, migawas ang pangalan sa maong jail guard isip usa sa mga protektor ug source niini.

Dugang ni Subang nga wala nila damha ang maong panghitabo apan walay ginasanto ang mga otoridad ug dakpon ang adunay tulubagon sa balaod.

Sa laing bahin, mapasalamaton si officer Subang sa tanang nahimong rason sa kalampusan sa maong operasyon ug makadahum nga padayon gihapon ilang kampanya aron mapupo ang paggamit sa illigal nga droga sa probinsya.

Facebook Comments