PDRRMC South Cotabato gin-indorso na sa Sangguniang Panlalawigan ang paglift sang deklarasyon sang state of calamity sa dengue kag paghatag sang P1 million nga ayuda sa mga apektado sang Taal eruption.

17

Gin-indorso na sang Provincial Disaster Risk Reduction and Management Council South Cotabato sa Sangguniang Panlalawigan ang paglift sa deklarasyon sang state of calamity sa probinsya tungod sa dengue outbreak paagi sa resolution no. 1 series of 2020.
Suno kay Asst. Provincial Health Officer Dr. Ala Baby Vingno ang basehan kon ngaa nagrekomendar sa PDRRMC ang Integrated Provincial Health Office nga sarang na nga i-lift ang deklarasyon sang state of calamity sa probinsya tungod yara na sa below threshold level ang kaso sang dengue ukon manubo na ka tama.
Apang suno sa iya bisan i-lift pa ang padayon sa gihapon ang ila nga kampanya kontra balatian nga dengue kag pagpatuman sang katawhan sang search and destroy.
Samtang gin-indorso man sa SP ang PDRRMC resolution no. 2 nga pag-aproba sang 2020 PDRRMF-IP trust fund nga nagakatindad sang P1 million para sa ihatag nga financial assistance sa mga taga – Lemery Batangas nga apektado sang paglupok sang Bulkang Taal.
Nahibaluan nga una na nga nagpasar sang resolution ang Sangguniang Panlalawigan nga nagarequest kay Governor Reynaldo Tamayo Jr. nga maghatag sang financial assistance nga nagakantidad sang P1 million sa mga apektado sang Taal eruption.
Sa subong ang nasambit nga mga resolution ang ginrefer sa Committee on Social Services sang SP.

Facebook Comments