Nagbutang sang evacuation centers malapit sa mga event venues ang Provincial Disaster Risk Reduction and Management Council South Cotabato kabahin sang ila nga preparasyon sa posible panghinabo kadungan sang selebrasyon sang T`nalak Festival sa masunod nga semana.
May-angot sini, suno kay Pdrrm Action Officer Mila Rivera magabutang sila sang directional signs agud nga mahibaluan sang mga pumuluyo kon sa diin magakadto sa tion nga may insidente nga matabo sa kasagsagan sang kapyestahan sang probinsya.
Ginkumpirmar man sini nga magapalapta man sila sang hotlines nga sarang tawgan sang mga pumuluyo sa tion nga may-yara sang panghinabo.
Samtang umpisa sa Hulyo 11 nakaistablisar na suno pa ang ila nga incident command post matapos nga sa Hulyo 12 ipatigayon ang Ecunumical Prayer kag pipila na ka mga aktibidad sa selebrasyon sang T`nalak Festival ang nag-umpisa naman.
