PDRRMO South Cotabato magapadala sang ayuda sa mga apektado sang bagyo nga Auring, mga luyag magdonar ginaawhag.

Magapadala sang ayuda ang Provincial Disaster RiskReduction and Management Office South Cotabato sa mga apektado sang bagyo nga Auring sa Surigao del Sur paagi sa mga matipon nga donasyon halin sa mga pumuluyo sang probinsya, suno kay OIC PDRRM Action Officer Rolly Aquino.
Suno sa iya may mga nabilin pa sadto anay nga mga relief goods nga yara sa ila nga opisina kag ginapadugangan niya na lamang agud nga madul –ong sa mga apektado ni Auring.
May-angot sini, ginaawhag niya ang mga luyag pa magpadala sang ayuda kapareho sang canned goods, bugas, tubig kag iban pa nga idul-ong lang sa PDRRMO ukon sa tagsa ka mga MDRRMO.
Ginsiguro niya man nga makaabot gid sa mga apektado sang bagyo nga Auring ang tanan nga gindonar kag ila nga idul-ong sa mas madasig nga panahon.

Facebook Comments