Nakaactivate umpisa bwas nga adlaw Huwebes Santos tubtob sa Easter Sunday ang operation center sang Provincial Disaster Risk Reduction and Management Office South Cotabato kabahin sang pag-obserbar sang semana santa.
May-angot sini, suno kay PDRRM Action Officer Mila Rivera nakablue alert sila buot silingon nakamonitor kag prepositioning sa nasambit nga mga adlaw lakip na sa pag-abot sang mga kandidato nga mangampanya subong nga adlaw.
Advice naman sini sa katawhan nga mangin alerto kag kon mahimo indi na magdala sang bata subong man katigulangan kon magpartisipar sa aktibidad sang simbahang katoliko tungod sa mataas nga heat index nga naeksperyensyahan.
Dugang niya pa nga kon indi makaya sang lawas sa pagpartisipar sa aktibidad sa simbahan pwede man nga magpamalandong lang sa balay.
Apang sa magpartisipar magdala sang tubig kag proteksyon sa lawas batok sa mainit nga panahon.
