PDRRMO Sultan Kudarat ginarekomendar ang pagpaidalom sa state of calamity sa bug-os nga probinsya tungod sa natuga nga danyos sang pagbaha.

17

Ginarekomendar sang Provincial Disaster Risk Reduction and Management Council sang Sultan Kudarat ang pagpaidalom sa bug-os nga probinsya sa state of calamity tungod sa pagbaha matapos nga naglapaw ang tubig sa Allah River.
Suno kay Sultan Kudarat PDRRM Action Officer Lovely Joy Hallegado ang resolusyon sang PDRRMC ang ginsubmitir naman sa Sangguniang Panlalawigan kag ginalauman nila nga maaprobahan subong nga semana agud magamit na sang mga LGU`s ang ila nga quick response funds.
Ginkumpirmar ni Hallegado nga malala ang natuga nga danyos sang pagbaha sa mga banwa sang Bagumbayan, Isulan, Lambayong kag Esperanza.
Base sa ila datos nagalab-ot sa 2,686 ka mga pamilya ang apektado sang pagbaha sa apat ka mga banwa kag yara sa 510 ang mga nagbakwit nga nagatinir sa eskwelahan sa Brgy. Sison sa Bagumbayan kag Tinumiguez. bridge sa Lambayong Sultan Kudarat nga ang mga panimalay ang malapit sa Ala River sa Purok Datang sa nasambit nga barangay.
Naglab-ot naman sa P67, 096, 338 ang natuga nga danyos sa crops kag iban pa nga propiedad kag sa imprastruktura yara sa P24,978,228 ang danyos sang pagbaha.
Samtang suno kay Hallegado padayon ang ginahimo nga rehabilitation ukon flood control activity sa mga apektado nga lugar.
Pahayag man ni Hallegado nga nagpatigayon na sila sang consultative meeting upod ang Department of Public Works and Highways 12 (DPWH) para sa long term solution sa madugay na nga problema sang pagbaha sa nasambit nga mga lugar.


Facebook Comments