PECO: Wala sang power black-out nga dapat kahangaw-an sa syudad sang Iloilo

Wala sang dapat kahangaw-an ang mga Ilonggo nga power black-out sa syudad sang Iloilo.

Ini ang ginpasiguro ni Mr. Mikel Afzelius, Corporate Communications Manager sang Panay Electric Company (PECO) kasunod sang nagalapta nga impormasyon nga indi na magsupply sang kuryente ang PECO sa tion nga mag-expire na ang ila franchise sa Enero 19,2019.

Pasalig ni Afzelius, magapadayon ang ila pag-supply sang kuryente sa syudad kag maga-untat lang sila kon gobyerno na mismo ang magmandu nga mag-untat na sila sa paserbisyo.


Dugang pa ni Afzelius nga base sa ila nabaton nga impormasyon, wala pa nakalab-ot sa talatapan ni presidente Rodrigo Duterte ang franchise bill sang MORE power nga ginapaabot amo ang mabulos sa PECO.

Ginpahayag ni Afzelius nga sa karon, wala pa sang pag-inistoryahanay sa posible merger ukon kasugtanan sa tunga sang PECO kag MORE power.

Facebook Comments