*Un persona quien ta mampa official del military y graduao deste na Philippine Military Academy y ta hace cen conaquelios quien quiere queda miembro del Citizen Armed Forces Geographical Unit (CAFGU) ya cae na calaboso despues conele ya cuji adentro del Western Mindanao Command ta precura hace loco con el maga verdadero PMAer del Lunes.*
*Si Sr. Insp. Daniel Taub, jefe del Sinunuc Police Station ya nombra con el suspechao como si Raymond Candido Julian, de Calarian.*
*Asegun na report, del Lunes banda maga alas 11 del aga, si Julian ya apunta na SOCOM adentro del Wesmincom y ya conversa con el cuantos maga official del military quien maga verdadero PMAer y ya introduce tambien le su cuerpo como PMAer tambien graduao del año 2006.*
*Pero amediante del conversacion, ya puede nota el maga soldao que dol gende verdadero PMAer si Julian porcausa na modo de conversar donde nohay na anggulo como un verdadero PMAer.*
*Mas ya man bisto con Julian que peque le despues nohay este puede contesta cuantos maga palabra que ta usa solamente el maga PMAer.*
*Aqui ya tene que aresta el maga soldao con Julian y ya lleva con ele na estacion del pulisia na Sinunuc.*
*Mas de ese, ya puede tambien sabe el maga pulis y military que si Julian ya puede yah ace cen pormedio de colectar P1,000 desde con untal Boy Tujajin Salain, 39, casao de Bohe Tambak, Tipo-Tipo, Basilan quien ta man apply para queda miembro del CAFGU.*
*Con Julian ay planta el caso de usurpation of authority y extortion.*
