Pormal na nga napasakaan ug kaso ang usa ka person of interest sa nahiatabong pagpangluba didto sa brgy. Nipaan sakop sa lungsod sa Sindangan nahitabo kini niadtong adlawng lunes 9:00AM kapin kun kulang.
Kahinumduman nga mitaho ang usa ka sakop sa PNP sa Jose dalman nga si SPO1 Cesar Meraveles ngadto sa PNP Sindangan nga adunay pagpangluba nga nahitabo sa ilang brgy. Ang biktima niini patay na samtang ang person of interest gikustudiya sa barangay kapitana Estella Mariveles uban sa iyang mga barangay tanod.
Ang biktima mao si Francis Otto y Gomez, 28 anyos, ulitawo, nagpuyo sa Purok Kasoy, Nipaan Sindangan.
Samtang ang miluba mao si Manuel Azucenas y Geromo, 36 anyos, residente kini sa Lugdungan ning dakbayan sa Dipolog.
Sa nahipos nga impormasyon sa kapulisan ang biktima ug person of interest uban sa usa pa ka indibidwal nag inom kini sila sa panimalay ni Rowena Sumalinog y Otto igsuon sa biktima.
Tunga-tunga sa ilang panag-inom sa Coconut wine o TUBA si Francis ug Manuel nagkalalis kini sila ug wala kabantay si Francis nga mikuha na diay ug kabilya si Manuel dayong hansak sa dughan niini, hinungdan sa wala damhang kamatayon sa biktima.
Si Manuel didto kini nasikop sa panimalay ni Toto Manubag sa brgy. Siare, Sindangan. Pinaagi sa mga opisyales sa barangay nahitaboan.
