Person of interest sa pagpatay ag pagpilak sa irigasyon sa sangka Babaye padayon nga gina imbestigahan.

20

New Washington, Aklan— Hubeas ag patay eon nga nagaeutaw sa irigasyon tag makit-an ro biktima nga si Jennifer Zaulda, 23-anyos sa Brgy. Mataphao New Washington Aklan.
Nasapwan mismo it anang ginikanan kainang agahon matapos ro bilog nga aga-aga nga pag inusoy.
Halin sa birthday party ro babaye kung sa siin may nakakita kainang aga-aga nga kaibahan si Rockson Roque alyas “Bombay” bago raya naduea.
Nagaduda ro pamilya Zaulda nga may paghisayod sa natabo si alyas “Bombay” apang raya hay hugot nga nagapamalibad.
Sa makaron sa kustudiya eon si Roque it New Washington PNP para sa padayon nga imbestigasyon.
Sa pihak nga parte base sa ginhimo nga pag usisa it SOCO Aklan, may nina sa dahi ag gasgas sa butkon ro biktima kung sa siin posible raya nga tuga it matig-a nga bagay.
Disidido man ro pamilya nga ipa-idaeum sa Autopsy Examination ro bangkay it babaye para matumod ro rason it anang kamatayon ag kung raya baea hay ginhimuslan.
#TatakRMN

Facebook Comments

From Advertisers