Persona nga makigkuita sa textmate nasapwan nga isa na ka bangkay sa banwa sang Tampakan.

13

Isa ka bangkay ang nakit-an sa bahin sang Purok Bagong Silang, Barangay Tinongcop, Tantangan, South Cotabato alas 2:40 sang kaagahon kahapon nga adlaw, Oktubre 8, 2019
Ginkilala ang biktima kay Ariel Feles Malayon, 30-anyos, single, gay personality kag residente sang Sitio Tapikong, Brgy. Lampitak sa banwa sang Tampakan matapos nga mismo ang iloy sini ang nag-identify.
Base sa post mortem examination sang Municipal Health Officer sang Tantangan nakaangkon sang tatlo ka igo sang bala ang biktima .
Suno kay Police Captain Romeo Albano, Chief of Police sang Tantangan PNP base sa ila nga pagpangusisa sa iloy sang biktima naglakat ini sang Oktubre 7 sang gab-i agud nga makigkita suno pa sa textmate sini dire sa syudad sang Koronadal.
Dugang pa nga nakontak nila ang biktima alas 9:00 sang gab-i, apang paglagpas sa amo nga oras indi na nila suno pa makontak.
Sa subong suno kay Albano nagapadayon pa ang ila nga imbestigasyon sa motibo kag suspek sa pagpatay sa biktima.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers