Persona nga may kaso nga carnapping, patay sa shootout sa Polomolok, South Cotabato.

40

Patay ang may kaso nga carnapping sa implementasyon sang Warrant of Arrest sang gintingob nga pwersa sang Polomolok MPS, South Cotabato Provincial Mobile Force Company sang SCPPO sa Purok 1 Brgy. Glamang Polomolok, South Cotabato, alas 3:45 sang hapon sang Nobyembre 24, 2020.
Ginkilala ang suspek kay Christopher Abenis Dungog, 32-anyos, kag residente sang nasambit nga lugar.
Suno pa sang namutikan sang nasambit nga suspek ang presensya sang implementing team gintiro niya ang mga ini nga nangin resulta sang shootout.
Nakaangkon naman sang igo sang bala ang suspek nga gilayon man nga gindala sa Polomolok Municipal Hospital, apang gindeklarar nga dead on arrival sang attending physician.
Nakuha naman sa lugar ang armas luthang kag basyo.
Samtang sa ginpatigayon nga body search sa suspek sa ospital nga ginsaksihan sang iya nga asawa kag utod nakuha ang 3 ka heat sealed transparent plastic cellophane sachet sang “shabu”, may kabug-aton naman nga less than 1 ka gramo nga may DBB value nga P6, 860.00.

Facebook Comments