Pilar, Capiz – Patal nga pilas sa natuo nga abaga lapos sa ilok ang naangkon sang 29-anyos nga biktima nga nakilala kay Eliseo Jenosas matapos ini ang nagluthangan sa sulod sang isa ka resort sa Barangay Natividad, Pilar, Capiz.
Ang ginatudlo suspek ang ginkilala kay Frederic Bargo, 41- anyos ang pang-edaron nga residente sang Barangay Poblacion, Pilar, Capiz kag caretaker sang nasambitan nga resort.
Nagaguha sa imbestigasyon sang kapulisan nga magkaupod man ang mga ini nga nagpadulong sa resort.
Hubog na ang biktima kag naghangkat sang away kabangdanan nga ginsablaw sang suspek. Apang sa baylo nga magpati, gintapungol pa ini sang biktima.
Bangud sa nabatyagan nga kaakig, nagkuha ini sang wala mapahayag nga sahe sang pusil kag didtu ginluthang biktima.
Gintinguhaan pa nga dal-on sa Bailan District Hospital sa banwa sang Pontevedra ang biktima apang ini ang gindeklarar nga dead-on-arrival.
Yara na subong nakahunong sa karsel sang Pilar MPS ang suspek samtang wala naman marekober sang mga otoridad ang pusil nga gingamit sini sa krimen.
