Dead on arrival sa hospital ang isa ka persona matapos nga bungguan sang isa ka canter truck sa national highway corner Pagalungan Hospital , Barangay Pagalungan, Polomolok, South Cotabato sang tinalikdan nga adlaw.
Ginkilala ang biktima kay Victorio Gandulan Yam, 43-anyos, may asawa, kag residente sang Prk. Malugong, T`boli, South Cotabato.
Sa imbestigasyon nagtabok suno pa sa dalan sa nasambit nga lugar ang biktima sang bungguan sang salakyan nga ginapanag-iyahan sang Dole Philippines kag ginamaneho ni Ryan John Hollero Tenaja, 38-anyos kag residente sang Prk. Bayanihan, Brgy. Magsaysay sa nasambit nga banwa.
Nakaangkon sang malala nga pilas sa mga nagkalain-lain nga parte sang iya nga lawas ang biktima nga nangin tunaan sang iya hinali nga kamatayon.
