Personal grudge ug iligal nga droga motibo nga ginasundan sa kapulisan sa pagpamusil sa usa ka driver

11

General Santos City–Personal grudge ug iligal nga droga ang ginasundan nga motibo sa Police Station 5 sa pagpamusil patay sa wala mailhing suspect sa biktima nga si Josilito Tecson, 59 anyos nga nanimuyo sa Lily Of The Valley, Baranagy Calumpang ning syudad sulod mismo sa iyahang panimalay alas 10:30 ang takna sa gabie.

Sumala pa ni Police Major Richard Ybañez , ang hepe sa Police Station 5 nga ginasuta pa nila karon kung aduna bay nakalaban ang nahisutang biktima ayha kini napusilan patay samtang ila nang gipalawman ang pag background check sa nahisgutan aron masayran kung duna bay kalambigitan sa pag pamaligya o pag gamitan ug iligal nga droga ang nahisgutang biktima human nga nakitaan ug usa ka pakete sa gituohang pinauga nga dahon sa marijuana ang pitaka sa nasangpit.


Samtang gibutyag usab ni Major Ybañez nga sa ilahang pag tan-aw sa ilahang records walay criminal records ang nahisgutan ug wala man usab kini nalakip sa ilahang drug watch list.

Gi-angkon usab niini nga hangtud sa kasamtangan wala gihapon silay matumbok nga person of interest sa maong pagpamusil.

Nasayran nga nagtan-aw lang ug tv ang nahisgutang biktima sa ilang panimalay sa dihang gisulod kini sa suspect ug gipusil maka usa ka higayon nga mi-igo sa iyang ulo hinungdan sa iyahang hinanaling kamatayon, samtang yano lang nga milakaw gawas sa ilahang panimalay ang suspect ug misakay sa motorsiklo nga naghulat sa gawas nga bahin dayon sibat. (Dave Silagan)

Facebook Comments