Personal nga bangi, nasutang motibo sa pagpanigbas sa Don Carlos

29
Gikabutyag karon sa kapulisan nga personal nga bangi ang nasutang motibo sa pagpanigbas nga natigayon kagahapon pasado alas 7:20 sa buntag didto sa Purok-1, Barangay Sinangguyan, Don Carlos, Bukidnon diin mikalas sa usa ka kinabuhi.

Nakadawat sumala pa og tawag ang kapulisan kabahin sa maong pagpanigbas diin pag-abot sa maong area, gidala na sa balay-tambalanan ang maong biktima nga giilang si Ronnie Tagsip, 24 anyos, ulitawo, estudyante, ug residente sa Santa Rita, Barangay Salawagan, Quezon, Bukidnon nga wala nay kinabuhi.

Nakaangkon og samad tinigbasan sa nagkadaiyang parte sa lawas ang maong biktima hinungdan sa hinanaling kamatayon niini.

Sumala sa taho sa kapulisan, nga nakitulog matud pa ang biktima sa balay sa hinigugma niini sa dihang sa wala damhang panghitabo, kalit lang kining giduolan sa suspek nga nagbitbit og hinagiban nga matud pa, Ama-ama sa uyab sa biktima, og didto sa walay igong rason, gitigbas sa makadaghan ang maong biktima.

Nadakpan ra usab human sa maong insidente ang suspek nga giilang si Bimbo Marinduque, alyas Jimboy, 44 anyos, dunay kaipon, laborer, ug residente sa Purok-7, Barangay Sinangguyan, Don Carlos, Bukidnon.

Anaa na sa kustodiya sa Don Carlos Municipal Police Station ang suspetsado samtang ginaandam ang kaso sa pagpatay batok kaniya.

Facebook Comments