PESO: Job fair sa UM bolton gisugdan na

20

Davao City – Gipanawagan karon ang mga nagapangita og trabaho nga og kinsa man ang interesado, mamahimong musalmot sa kasamtangang gipahigayong job fair karong adlawa, Nobyembre 27 sa UM Bolton Campus ning syudad sa Davao.

Sumala ni Lilibeth Pantinople sa PESO-Davao, ang PESO Job fair “Maagang Pamasko Trabaho Para sa Inyo” nagsugod alas 8 karong buntag kutob alas 4 sa hapon diin daghang kumpanya ang musalmot sa maong aktbidad ug alang lang kini sa local applicants.

Gihangyo usab niini ang mga job seekers nga magdala og mga dugang documents ug dili lang resume sama sa school records ug certificate of employment alang sa mga dunay work experience ingon man magsuot og formal attire atol sa interview.

Samtang alang sa mga job seekers abroad nga nagpalista sa PESO-Davao, adunay Special Recruitment Activity nga himuon karong adlawa, Nov. 27, 2018 sa PESO Toril District ug sa PESO Agdao District diin sagad ginapangita niini mao ang mga job order nga trabaho nga waiter, domestic helper, secretary, salesman, sales lady ug daghan pang uban bound for Jordan, UAE, Hongkong Singapore ug uban pa.

Alang sa dugang mga pangutana, mamahimong mutawag sa PESO Davao contact number nga 233-6890.

RadyoMaN Renz Barbarona

Facebook Comments