Peste nga magpanalakay sa mga pananom balantayan sa subong nga panahon sang tig-ululan, ayuda ginpasiguro sang OPAG.

17

Balantayan sa subong nga panahon sang tig-ululan ang mga peste nga magapanalakay sa mga pananom sang mga mangunguma dire sa South Cotabato magluwas sa epekto sang pagbaha kag landslide.
Suno kay Provincial Agriculturist Justina Navarete lakip sa mga peste nga balantayan ang ilaga, army worms, cutworms kag iban pa.
May-angot sini, iya ginapasiguro nga nakahanda ang Provincial Agriculture Office sa paghatag sang ayuda sa mga mangunguma agud nga makontrol ang peste nga magpanalakay sa mga pananom.
Ginpahayag man ni Maam Navarete nga bag-o sila maghatag sang rodenticide sa mga mangunguma ginapaidalom anay nila sa orientation ang mga ini.

Facebook Comments

From Advertisers