Pet owners, magamulta kon pabay-an nga maglapta ang higko sang ila sapat

Magamulta ang mga pet owners kon pabay-an lang sang mga ini nga maglapta ang higko sang ila mga sapat.

Ini matapos nagpasar sang ordinansa si City Councilor Jay Treñas nga “Poop and Scoop” ordinance.

Suno kay Treñas, responsibilidad sang mga pet owners nga tinluan ang mga higko sang ila mga sapat ilabi na sa mga pampubliko nga lugar tagsa ka tion nga gina-upod nila ini kon maglagaw sa syudad.


Dugang pa ni Treñas nga kon magsugod na ang implementasyon sang ordinansa, magamulta ang magabayolar nga mga pet owners sang 500.00 sa 1st offense ; 3,000.00 sa 2nd offense kag 5,000.00 sa 3rd offense.

Ginpahayag ni Treñas nga natalana nga ipresentar sa 2nd reading sa masunod nga semana ang ginaduso nga ordinansa.

Nahibaluan nga may mga pet owners nga ginapabay-an lang nga maglapta sa pampubliko nga lugar sa syudad ang higko sang ila mga ginasagod nga sapat .

(phot from web)

Facebook Comments