Pfizer vaccine muabot sa Davao sa Pebrero

51

Davao City – Gibutyag ni Dr. Ashley Lopez, Focal Person sa Davao COVID-19 (Coronavirus Disease 2019) Response, nga laumang muabot sa bulan sa Pebrero 2021 ang Pfizer-BioNtech COVID-19 vaccines alang sa Davao City.

Matud ni Lopez, sa interbyu sa city-owned radio, nga kini nga bakuna naggikan sa national government, diin una nga hatagan niini ang anaa sa priority list sa gobyerno o sa lokal nga panggamhanan.


“By late February we’re going to acquire Pfizer brand. Pero dili ni siya local purchase, this will be the allocation from the national government,” matud ni Lopez.

Segun sa health official nga gitagana ang maong muabot nga bakuna sa mga health workers labi na kadtong anaa sa Southern Philippines Medical Center (SPMC) ug uban pang private health workers sa dakbayan.

Sa pagkakaron, gipangandaman na sa lokal nga gobyerno ang mga gikinahanglang rekisitos alang sa maong bakuna sama sa storage o freezer alang sa Pfizer vaccine diin nagkinahanglan kini og negative 70 degrees aron ma-sustain ang efficacy sa maong bakuna.

RadyoMaN Kirby Manzon




Facebook Comments