Pfizer vaccines lauman sa Feb. 12, pag-transport paanhi sa Davao tutukan

47

Davao City – Himuon sa daling panahon ang transportation sa vaccines paanhi dinhi sa Davao City ugaling maabot na kini sa Pilipinas karong February 12, 2021, adlawng Biyernes.

Sa media press briefing nga gilusad sa health officials karong buntag human sa COVID-19 vaccine simulation exercise kaganina sa Davao International Airport ug Southern Philippines Medical Center, gisulti ni Department of Health kun DOH-XI Regional Director Dr. Annabelle Yumang, Pfizer vaccines ang laumang muabot sa nasud sa nasangpit nga adlaw ug gilayon i-transport ang ubang vaccines nga gitagana sa Davao og aduna may flight.


“Ang gisulti sa amoa coming from national office, the vaccine will arrive in the Philippines, they are expected to arrive this coming February 12, kung madayon na nga adlawa, kung naay flight during that day going to Davao City himuon na siya. No definite date as to when will these vaccines will arrive in Davao City,” segun ni Yumang.

Matud ni Yumang kini nga vaccine ang ilang gipreparahan sa ilang simulation exercise kaganina, (February 10, 2021).

Samtang sa maong media press briefing usab, gibutyag ni SPMC OIC Dr. Ricardo Audan nga adunay molecular laboratory alang sa vaccine nga wala pa nagamit ug gi-endorso na kini sa ilaha.

Gipasabot sa health officials nga ang paglusad sa maong aktibidad maoy pagpangandam sa syudad sa Davao sa pagpahigayon sa COVID-19 vaccination program ilabi na ang pagpaniguro nga luwas ang vaccine sa pagturok niini sa mga indibidwal.




RadyoMaN Renz Barbarona

Facebook Comments