Philippine Army ug NPA, nagka-engkwentro sa Lagonglong, Misamis Oriental

152

Nagka-engkwentro kagahapong adlawa ang usa ka platoon sa Philippine Army ug New Peoples Army o NPA sa Barangay Banglay, Lagonglong, Misamis Oriental.
Nagpahigayon sa combat operations ang Philippine Army sa pagpanguna ni 2nd Lt. Eric Buyan sa dihang na-engkwentro sulod sa 20 minutos ang napulo ka miyembro sa NPA gikan sa SPP-2 sa Guerilla Front 4B sa North Central Mindanao Regional Command.
Hinoon, walay namatay sa insedente tali sa duha ka grupo.
Nasayran nga mihimo sa pagsusi sa area ang mga NPA para sa ilang planong kagubot batok sa kompanyang Minergy sa Balingasag, Misamis Oriental.
Dali usab nga gialerto ang Regional Public Safety Battalion sa Dampil, Lagonglong, Misamis Oriental aron mohimo sa blocking operations.
By: RadyoMaN Annaliza Amontos-Reyes and RadyoMaN Ella Baculio

Facebook Comments