Philippine Azkals, wala sa gihapon kasiguruhan nga makasulod sa 2019 AFC Asian Cup

28

Nagapabiln sa gihapon nga wala kasiguruhan ang tsansa sang Philippine Askals nga makasulod sa 2019 AFC Asian Cup.

Ini bangud nagtapos ang sambuwa nila sang Nepal nga scoreless draw.

Sa hampang nga ginhiwat sa ANFA Stadium sa Kathmandu, may paglaum pa kuntani sila nga makapuntos sa sulod sang 21 minutos apang nangin hugot ang depensa nga ginhimo sang Nepal.

Gintupungan naman ni Azkals Coach Thomas Dooley ang depensa sang Nepal pinaagi kanday James Younghusband kag Pika Minegishi.

Ini na ang ikatlo nga draw sang Azkals kon sa diin duha diri ang nagikan sa magkasunod nga sambuwa batuk sa Yemen.

Nagapabilin sa gihapon sa una nga puwesto ang Azkals sa Group F nga may siyam ka puntos.

May tsansa pa ang Azkals nga liwat makasulod sa 2019 AFC Asian Cup sa pag-atubangay nila sang Tajikistan sa Marso.

Facebook Comments